टुर दि फ्रान्सका विजेता थोमसलाई 'बीबीसी स्पोर्ट्स पर्सनालिटी' अवार्ड

एजेन्सी । विश्व प्रख्यात साइकल र्याली प्रतियोगिता टुर दि फ्रान्सका विजेता ग्रेईन्ट थोमसले 'बीबीसी स्पोर्ट्स पर्सनालिटी अफ दि इयर'अवार्ड जितेका छन् ।

बीबीसीले हरेक बर्ष प्रदान गर्दै आइरहेको यस अवार्ड जित्ने क्रममा साइक्लिष्ट थोमसले फर्मुला वनका च्याम्पियन लेवीस ह्यामिल्टन र फुटबलका ह्यारी केनलाई पछि बनाए ।

बीबीसीले समर्थकको मतको आधारमा हरेक बर्ष यस अवार्ड दिने गर्छ । यस पटक भने टिम स्काईका राइडर थोमसले सर्वाधिक मत पाएर अवार्ड हात पारेका हुन् ।

थोमसले यसै बर्ष बीबीसी वेल्स स्पोर्ट्स पर्सनालिटी अफ दि इयर'अवार्ड जितेका थिए ।