रहाणेको सानदार ब्याटिङमा कोलकत्तालाई २३६ रनको लक्ष्य

काठमाडौं । भारतमा जारी रहेको ईन्डियन प्रिमियर लिग(आईपीएल)को ३३ औं खेलमा चेन्नाई सुपर किंग्सले कोलकत्ता नाईट राईडर्सलाई २ सय ३६ रनको लक्ष्य दिएको छ । 

कोलकत्ताको घरेलु मैदान ईडन गार्डेनमा टस हारेर पहिले ब्याटिङ गरेको चेन्नाईले निर्धारित २० ओभरमा ४ विकेट गुमाएर २ सय ३५ रन बनायो । 

चेन्नाईका लागि ओपनर डेभोन कन्वे,अजिक्या रहाणे र शिभम दुवेले अर्धशतकीय ईनिङ खेले । 

कन्वेले ४० बलमा ४ चौका र ३ छक्काको सहयोगमा ५६ रन बनाए । पहिलो विकेटका लागि कन्वे र ऋतुराज गायकवाडले ४५ बलमा ७३ रनको साझेदारी गरे । 

ऋतुराज गायकवाडले २० बलमा २ चौका र ३ छक्काको सहयोगमा ३५ रन बनाए । अजिक्या रहाणेले २९ बलमा ६ चौका र ५ छक्का सहयोगमा अविजित ७१ रन बनाए ।

दुवेले २१ बलमा २ चौका र ५ छक्काको सहयोगमा ५० रन बनाए । दुवे र रहाणेले तेस्रो विकेटका लागि ३२ बलमा ८५ रनको साझेदारी गरे । 

रविन्द्र जडेजा ८ बलमा १८ रन बनाए ।

कोलकत्ताका लागि कुलवन्त खेजरोलीया २ तथा वरुण चक्रवर्ती र सुयश शर्माले समान १/१ विकेट लिए । 

चेन्नाई यस खेलमा जित हात पारेर लिगको शीर्ष स्थानमा उक्लन चाहान्छ । यस खेलमा जित हात पारेर कोलकत्ता लगातारको हारमा विश्राम लगाउन चाहन्छ ।