बेंग्लोरद्वारा राजस्थान पराजित 

काठमाडौं । रोयल च्यालेन्जर्स बेंग्लोरले भारतमा जारी ईन्डियन प्रिमियर लिग(आईपीएल)मा शीर्ष स्थानको राजस्थान रोयल्सलाई पराजित गरेको छ । 

घरेलु मैदानमा बेंग्लोरले राजस्थानलाई ७ रनले पराजित गरेको छ । 

बेंग्लोरले दिएको १ सय ९० रनको लक्ष्य पछ्याएको राजस्थानले २० ओभरमा ६ विकेट गुमाएर १ सय २० रन बनायो । 

राजस्थानका लागि देवदत्त पडिकलले ३४ बलमा ७ चौका र १ छक्काको सहयोगमा ५२ रनको अर्धशतकीय ईनिङ खेले।

यशस्वी जैसवालले ३७ बलमा ५ चौका र २ छक्का सहित ४७ रन बनाए । 

ध्रुव जुरेल १६ बलमा २ चौका र २ छक्काको सहयोगमा ३४ रनमा अविजित रहँदा कप्तान सन्जु सामसन १५ बलमा २२ रन बनाउँदै आउट भए । 

बेंग्लोरका लागि हर्षल पटेलले ३ तथा डेबिड विल्ली र मोहम्मद सिराजले समान १/१ विकेट लिए । 

त्यसअघि टस हारेर पहिले ब्याटिङ गरेको बेंग्लोरले निर्धारित २० ओभरमा ९ विकेट गुमाएर १ सय ८९ रन बनायो । 

बेंग्लोरका लागि फाफ डु प्लेसिस र ग्लेन म्याक्सवेलले अर्धशतकीय ईनिङ खेले ।

म्याक्सवेलले ४४ बलमा ६ चौका र ४ छक्काको सहयोगमा ७७ रन बनाए । 

फाफले ३९ बलमा ८ चौका र २ छक्काको सहयोगमा ६२ रन बनाए । 

ईनिङको पहिलो बलमा कप्तान विराट कोहलीलाई गुमाएको बेंग्लोरका लागि तेस्रो विकेटका लागि १ सय २५ रनको साझेदारी गरेका थिए । 

राजस्थानका लागि ट्रेन्ट बोल्ट र सन्दीप शर्माले समान २/२ तथा युजभेन्द्र चहल र रविचन्द्रन आश्विनले समान १/१ विकेट लिए ।

सातौं खेलमा चार जित र तीन हार सहित बेंग्लोर १० टोली सहभागी लिगको पाँचौ स्थानमा उक्लिएको छ । 

सातौं खेलमा तेस्रो हारमा सहित राजस्थान अंक तालिकाको शीर्ष स्थानमा कायमै रहेको छ ।