काठमाडौं । भारतमा जारी ईन्डियन प्रिमियर लिग(आईपीएल)मा मुम्बई ईन्डियन्सले पन्जाब किंग्सबाट २ सय १५ रनको लक्ष्य पाएको छ ।
घरेलु मैदान वांगखडे क्रिकेट स्टेडियममा मुम्बईले २ सय १५ रनको लक्ष्य पाएको छ ।
टस हारेर पहिले ब्याटिङ गरेको पन्जाबले निर्धारित २० ओभरमा ८ विकेट गुमाएर २ सय १४ रन बनाएको हो ।
पन्जाबका लागि कप्तान साम करनले २९ बलमा ५ चौका र ४ छक्काको सहयोगमा सर्वाधिक ५५ रनको अर्धशतकीय ईनिङ खेले ।
हरप्रित सिंहले २८ बलमा ४ चौका र २ छक्काको सहयोगमा ४१ रन बनाए । पन्जाबले पछिल्लो ५ ओभरमा ४ विकेट गुमाएर ९६ रन बनाएको थियो ।
पाँचौ विकेटका लागि कप्तान करन र सिंहले ४८ बलमा ९२ रनको सानदार साझेदारी गरे । जितेश शर्मा ७ बलमा ४ छक्काको सहयोगमा २५ रन बनाए ।
अथर्व ताईडेले १७ बलमा ३ चौका र १ छक्काको सहयोगमा २९ रन बनाए । प्रभशिमरन सिंहले १७ बलमा २६ रन बनाउँदा म्याथ्यु शर्टले १० बलमा ११ रन बनाए ।
मुम्बईका लागि पियुष चावला क्यामरुन ग्रीनले समान २/२ र जेसन बेहरानड्राफ्ट,जोफ्रा आर्चर र अर्जुन तेन्दुल्करले समान १/१ विकेट लिए ।
छ खेलेको पन्जाबले तीनमा जित तथा तीनमा हार व्यहारेको छ । यस खेलमा जित हात पारेर पन्जाब चौथो जित हात पार्न चाहन्छ ।
पछिल्लो खेलमा पन्जाब रोयल च्यालेन्जर्स बेंग्लोरसँग पराजित भएको थियो ।
पाँच खेलमा तीन जितका साथ छैटौं स्थानमा रहेको मुम्बई लगातार चौथो जित हात पार्न चाहन्छ ।
पछिल्लो खेलमा मुम्बईले सनराईजर्स हैदराबादलाई हराएको थियो ।
मुम्बई र पन्जाबबीच भएका पछिल्ला पाँच खेलमा तीन पन्जाबले जित्दा दुई मुम्बईले जितेको छ ।
पन्जाबले एक खेल भने दोस्रो सुपर ओभरमा जितेको थियो ।
भारतका विभिन्न शहरमा आयोजना जारी आईपीएल क्रिकेट प्रतियोगितामा १० टोलीहरुको सहभागीता रहेको छ ।
