कुशलको आक्रामक शतक पूरा 

काठमाडौं । एसीसी प्रिमियर कपमा ओमानविरुद्धको खेलमा नेपालका लागि कुशल मल्लले शतक पूरा गरेका छन् । 

कुशलले ५९ बलमा ९ चौका र १० छक्काको सहयोगमा शतक प्रहार गरेका हुन् । 

यो सँगै नेपालले  ३९ ओभरमा ६ विकेट गुमाएर २ सय ९ रन बनाएको छ । 

नेपालका कुशल भुर्तेल र अर्का ओपनर आसिफ शेख शून्य रनमा आउट भएका थिए ।

कप्तान रोहित पौडेल २३ रन तथा भिम सार्की ३३ रनमा आउट भएका थिए ।

टस हारेर नेपालले पहिला ब्याटिङ गरिरहेको छ ।

क्रिजमा अहिले कुशल मल्ल र सोमपाल कामी रहेका छन् ।

मल्ल १ सय १ रनमा अविजित रहँदा सोमपाल ९ रनमा अविजित रहेका छन्।

कुशलको एकदिवसीय अन्तराष्ट्रियमा पहिलो शतक हो । 

नेपालका लागि ओडिआईमा शतक बनाउने कुशल छैटौं खेलाडी हुन् । 

नेपालका लागि यो ओडिआईमा सर्वाधिक कम बलमा प्रहार भएको शतक हो ।

यस अघि कप्तान रोहित पौडेलले ९५ बलमा शतक प्रहार गरेका थिए ।