ग्रिनको अर्धशतकमा हैदराबादलाई १९३ रनको लक्ष्य
काठमाडौं । भारतमा जारी इन्डियन प्रिमियर लिग (आईपीएल) क्रिकेट मंगलबारको खेलमा मुम्बई इन्डियन्सले सनराईजर्स हैदराबादलाई १ सय ९३ रनको लक्ष्य दिएको छ ।
हैदराबादको घरेलु मैदान राजिब गान्धी स्टेडियममा आयोजना टस हारेर पहिले ब्याटिङ गरेको मुम्बईले २० ओभरमा ५ विकेट गुमाएर १ सय ९२ रन बनाएको हो ।
मुम्बईका लागि क्यामरोन ग्रिनले ४० बलमा ६ चौका र २ छक्काको सहयोगमा अविजित ६४ रनको अर्धशतकीय ईनिङ खेले । ग्रिनले ३३ बलमा आफ्नो अर्धशतक पूरा गरेका थिए । ग्रिनको आईपीएलको पहिलो अर्धशतक हो ।
ओपनर ईशान किशनले ३१ बलमा ३ चौका र २ छक्काको सहयोगमा ३८ रन बनाउँदा तिलक बर्माले १७ बलमा २ चौका र ४ छक्काको सहयोगमा ३७ रन बनाए ।
चौथो विकेटका लागि ग्रीन र बर्माले २८ बलमा ५६ रनको साझेदारी गरेका थिए ।
टिम डेबिडले ११ बलमा १६ रन बनाउँदा सुर्यकुमार यादवले ३ बलमा ७ रन बनाए ।
हैदराबादका लागि मार्को यानसनले २ तथा टि नटराजन र भुवनेश्वर कुमारले समान १/१ विकेट लिए ।
हैदराबाद र मुम्बईले समान ४/४ खेल खेलेका छन् । दुवै टोली आजको खेल जितेर तेस्रो जित निकाल्ने योजनामा रहेका छन् ।
मुम्बई ४ अंकका साथ आठौं स्थानमा रहँदा हैदराबाद समान अंकका साथ नवौं स्थानमा रहेको छ ।
दुई टोलीबीचको पछिल्लो पाँच भेटमा मुम्बई बलियो देखिएको छ । मुम्बईले ३ जित निकाल्दा हैदराबादले २ जित निकालेको छ ।
यस सिजन दुई टोलीबीचको यो पहिलो भेट हो ।
