आईपीएल - मुम्बई र हैदराबाद खेल्दै

काठमाडौं । इन्डियन प्रिमियर लिग (आईपीएल) क्रिकेट अन्तर्गत आज मंगलबार एक खेल हुँदैछ ।

आईपीएलमा मंगलबार मुम्बई ईन्डियन्स र सनराईजर्स हैदराबाद भिड्ने छन् ।

हैदराबादको घरेलु मैदान राजिब गान्धी स्टेडियममा आयोजना हुने खेल नेपाली समय अनुसार साँझ पौने आठबाट सुरु हुनेछ ।

हैदराबाद र मुम्बईले समान ४/४ खेल खेलेका छन् । दुवै टोली आजको खेल जितेर तेस्रो जित निकाल्ने योजनामा रहेका छन् ।

मुम्बई ४ अंकका साथ आठौं स्थानमा रहँदा हैदराबाद समान अंकका साथ नवौं स्थानमा रहेको छ । 

दुई टोलीबीचको पछिल्लो पाँच भेटमा मुम्बई बलियो देखिएको छ । मुम्बईले ३ जित निकाल्दा हैदराबादले २ जित निकालेको छ ।

यस सिजन दुई टोलीबीचको यो पहिलो भेट हो ।