बार्सिलोनाको जित

काठमाडौं । स्पेनिस ला लिगा फुटबलमा शीर्ष स्थानको बार्सिलोनाले जित निकालेको छ।

आइतबार राति भएको खेलमा बार्सिलोनाले भ्यालेन्सियालाई १-० गोल अन्तरले हराएको हो ।

बार्सिलोनाको जितमा राफिन्हाले निर्णायक गोल गरे ।

राफिन्हाले खेलको १५ औं मिनेटमा गोल गरेका थिए ।

यस्तै खेलको ५५ औं मिनेटमा फेरान टोरेसले पेनाल्टीमा गोल गर्न सकेनन् । उनको प्रहार पोस्टमा लागेर बाहिरिएको थियो।

त्यस्तै ५९ औं मिनेटमा रोनाल्ड अरुजोले रातो कार्ड पाएपछि बार्सिलोना १० खेलाडीमा समेटिएको थियो ।

यस जितसँगै बार्सिलोनाले २४ खेलमा ६२ अंक जोडेको छ ।

बार्सिलोना शीर्ष स्थानमा यथावत रहेको छ ।

भ्यालेन्सिया २३ अंक जोडेर १९ औं स्थानमा रहेको छ ।