मलेसियाविरुद्ध नेपालको राम्रो सुरुआत

काठमाडौं ।  नेपालले मलेसिया विरुद्ध राम्रो सुरुआत गरेको छ । 

यूएईएमा जारी रहेको आईसीसी यू-१९ पुरुष विश्वकपको एसिया छनोट प्रतियोगिता अन्तर्गत नेपालले मलेसियासँग खेलिरहेको छ ।

मलेसियाविरुद्धको खेलमा नेपालले सुरुआतमा बलिङ गरिरहेको नेपालले ५ ओभरको खेल सकिदाँ १ विकेट लिईसकेको छ । 

मलेसियाले ५ ओभरमा १६ रन मात्र बनाएको छ । नेपालका लागि आकाश चन्दले १ विकेट लिएका छन् । 

नेपालले टस हारेर पहिले बलिङ गरिरहेको हो । 

नेपाल लगातार चौथो जित निकाल्न चाहन्छ । पहिलो खेलमा शुक्रबार सिंगापुरलाई , दोस्रो खेलमा शनिबार कुवेतलाई र तेस्रो खेलमा सोमबार हङकङलाई पराजित गरेको थियो ।

मलेसिया भने चौथो खेलमा दोस्रो जितको खोजीमा रहेको छ । पहिलो खेलमा कुवेतलाई पराजित गरेको थियो । 

२०१६ पछि पहिलो पटक विश्वकपमा छनोट हुने लक्ष्यका साथ यूएई पुगेको नेपाली टोली जितलाई निरन्तरता दिन चाहन्छ।

प्रतियोगितामा नेपालसहित सिंगापुर,कुबेत,हङकङ,मलेसिया र आयोजक यूएईको सहभागीता रहेको छ ।

अन्तिम खेलमा  नेपालले २ मार्च बुधबार घरेलु टोलीसॅंग खेल्नेछ। 

राउण्ड रोबिनका आधारमा हुने प्रतियोगिताको शीर्ष टोली २०२४ मा श्रीलंकामा हुने यू-१९ विश्वकपका लागि छनोट हुनेछ।