उपाधिका लागि दक्षिण अफ्रिका र अष्ट्रेलिया भिड्दै

काठमाडौं । दक्षिण अफ्रिकाले जारी रहेको आठौं संस्करणको महिला टी-ट्वान्टी विश्वकप क्रिकेटको फाइनल खेल आज हुदैछ ।

आइतबार हुने फाइनलमा साबिकको विजेता अष्ट्रेलिया र आयोजक दक्षिण अफ्रिकाबीचमा खेल हुदैछ । नेपाली समय अनुसार खेल साँझ ६ः४५ बाट सुरु हुनेछ । 

केपटाउनमा छैटौं पटक च्याम्पियन बन्ने लक्ष्य लिएको अष्ट्रेलियाले समूह चरणमा दक्षिण अफ्रिकालाई ६ विकेटले पराजित गरेको थियो । 

पहिलो सेमिफाइनलमा भारतलाई पराजित गरि साबिक विजेता अष्ट्रेलियाले फाइनलमा स्थान बनाएको थियो । 

पहिलो पटक फाइनलमा स्थान बनाएको दक्षिण अफ्रिका भने घरेलु भुमीमा ईतिहास रच्ने लक्ष्यमा रहेको छ । 

यि दुई टोलीबीचको पछिल्लो पाँच टी-ट्वान्टी अन्तरष्ट्रियमा अष्ट्रेलिया अपराजित रहेको छ ।