महिला टी-ट्वान्टी : विश्वकप आज एक खेल हुदै
काठमाडौं । आठौं संस्करणको आईसीसी महिला टी-ट्वान्टी विश्वकपमा आज सोमबार एक खेल हुदैछ ।
दक्षिण अफ्रिकामा जारी आठौं संस्करणको विश्वकपमा आज समूह 'बी' को खेल हुदैछ ।
आजको खेलमा समूह 'बी' मा रहेका भारत र आयरल्याण्डबीच खेल हुदैछ । खेल नेपाली समयअनुसार साँझ ६ः४५ बजेबाट सुरु हुनेछ ।
दुई खेलमा जित तथा एक खेलमा पराजित भारत आजको खेल जितेर सेमिफाइनलमा स्थान बनाउन चाहान्छ । आयरल्याण्ड जित सहित प्रतियोगिता समाप्त गर्न चाहान्छ ।
यी दुई देशबीच भएको एक टी-ट्वान्टी अन्तराष्ट्रिय खेलमा भारत विजयी भएको थियो ।
यस समूहबाट इंग्ल्याण्ड एक खेल अगावै सेमिफाइनल पुगिसकेको छ ।
प्रतियोगितामा १० टोलीको सहभागीता रहेको छ ।
सहभागी १० टोलीलाई ५/५ टोलीको दुई समूहमा बिभाजन गरिएको छ ।
दुई समूहमा शीर्ष दुई टिम सेमिफाईनल प्रवेश गर्ने छन् ।
समूह 'ए' मा आयोजक दक्षिण अफ्रिका,साबिक बिजेता अष्ट्रेलिया,श्रीलंका,बंगलादेश र न्युजिल्याण्ड रहेका छन् ।
समूह 'बी' मा दुई पुर्व बिजेताहरु इंग्ल्याण्ड र वेस्ट इण्डिज,आयरल्याण्ड,भारत र पाकिस्तान रहेका छन् ।
