दीपेश मछिन्द्रमा अनुबन्धित

काठमाडौं । सहिद स्मारक 'ए' डिभिजन लिगको साविक विजेता मछिन्द्र फुटबल क्लबले दीपेश घलेलाई अनुबन्ध गरेको छ ।

मछिन्द्रले बुधबार दीपेशलाई अनुबन्ध गरिएको जनाएको छ ।

मछिन्द्रले नयाँ सिजनको सहिद स्मारक 'ए' डिभिजन लिगका लागि दिपेशलाई अनुबन्ध गरेको हो ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ ।

यस अघि मछिन्द्रले फरवार्ड विजय भुजेल, मिडफिल्डर पुजन उपरकोटी, डिफेन्डर निसेन सुब्बा, फरवार्ड सौरभ लिम्बु , प्रशान्त अवस्थी र मिडफिल्डर दिवाकर चौधरीलाई अनुबन्ध गरेको थियो ।

मछिन्द्रले राष्ट्रिय टिमका डिफेन्डर देवेन्द्र तामाङ, फरवार्ड विमल घर्ति मगर,मिडफिल्डर सुजल श्रेष्ठ,मिडफिल्डर अविशेक गुरुङ  र उत्सव  राईसँगको सम्झौता नवीकरण गरिसकेको छ ।