रेडबुल ढोरपाटन सुजुकी महिला भलिबल माघ पहिलो साताबाट

काठमाडौं ।  १४ औं संस्करणको रेडबुल ढोरपाटन सुजुकी महिला भलिबल च्याम्पियनसिप माघ पहिलो साताबाट सुरु हुने भएको छ ।

आयोजक ढोरपाटन स्पोर्ट्स क्लबले शुक्रबार पत्रकार सम्मेलन गर्दै १४ औं संस्करणको च्याम्पियनसिप माघ ५ गतेबाट १९ गतेसम्म संचालन हुने जनाएको छ ।

नयाँ बसपार्कस्थित ढोरपाटन क्लबको भलिबल कोर्टमा १४ दिन चल्ने च्याम्पियनसिपमा ११ क्लबले प्रतिस्पर्धा गर्नेछन्  ।

च्याम्पियनसिपमा नेपाल एपीएफ क्लब, न्यु डायमन्ड एकेडमी, त्रिभुवन आर्मी क्लब, नेपाल पुलिस क्लब, टप्स हाई स्कुल, श्री गाउँ स्पोर्ट्स विकास कमिटि, चितवन टाइगर्स, पारामाउन्ट हाइ स्कुल, थ्री स्टार एकेडमी, सेब स्कुल र थाहा नगरपालिका मकवानपुरले प्रतिस्पर्धा गर्नेछन् ।

च्याम्पियनसिपको विजेताले ३ लाख ५० हजार रुपैयाँ पुरस्कार पाउनेछन् । त्यस्तै उपविजेतालाई २ लाख र तेस्रो हुनेले १ लाख पाउनेछन् । यस्तै चौथौ हुनेलाई ६० हजार, पाचौँ हुनेलाई ४० हजार,छैठौं हुनेलाई ३० हजार र सातौं हुने टिमलाई २० हजार नगद पुरस्कार राखिएको आयोजकले जनाएको छ । अघिल्लो संस्करणमा भन्दा यस पटक पुरस्कार राशी बढाईएको हो ।

प्रतियोगितामा चार विधामा उत्कुष्ट हुने खेलाडीले सुजिकी स्कुटर पाउनेछन् । उकृष्ट खेलाडी,उदयमान, बर्ष खेलाडी र प्लेयर अफ द सिरिज बन्ने खेलाडीले स्कुटर पाउनेछन् । त्यस्तै एक दर्शकले समेत स्कुटर पाउनेछन् । 

व्यक्तिगत विधातर्फ बेष्ट स्पाईकर, डिफेन्स, लिफ्टर, सर्भर, ब्लकर, उत्कुष्ट क्वीकर र उत्कुष्ट प्रशिक्षकले जनही ६ हजारका दरले पुरस्कार पाउने छन् ।

च्याम्पियनसिप गोर्खा ब्रुअरीको रेडबुलको मुख्य प्रायोजन र भिजि अटोमोटिभ्स प्रालिको सुजुकी ब्रान्डको स्कुटी र बिजी मलको प्रायोजनमा हुनेछ ।