हसिम अमलाद्वारा क्रिकेटबाट सन्यास

काठमाडौं । दक्षिण अफ्रिका पूर्व कप्तान तथा ओपनर ब्याट्सम्यान हसिम अमलाले क्रिकेट खेल जीवनबाट सन्यास घोषणा गरेका छन् ।

अमलाले बुधबार ३९ वर्षको उमेरमा सबै खाले क्रिकेटबाट सन्यास घोषणा गरेका हुन् ।

अमला दक्षिण अफ्रीकाका लागि टेस्टमा सर्वाधिक रन बनाउने दोस्रो खेलाडी हुन् ।

उनले १ सय २४ टेस्टमा ९ हजार २८२ रन बनाएका थिए ।

उनले २००४ देखि २०१९ सम्म दक्षिण अफ्रीकाका लागि खेल्दा सबैखाले फर्म्याटमा १८ हजार ६७२ रन बनाएका छन् ।

अमलाले दक्षिण अफ्रीकाका लागि १ सय ८१ एकदिवसीय अन्तराष्ट्रिय र ४४ टी-ट्वान्टी अन्तराष्ट्रिय खेलेका थिए ।