यू-१७ राष्ट्रिय महिला टिमका लागि खेलाडीको छनोट हुने  

काठमाडौं । अखिल नेपाल फुटबल संघ (एन्फा) ले साफ यू-१७ महिला च्याम्पियनसिपका लागि खेलाडी छनोट गर्ने भएको छ ।

एन्फाले आबद्द जिल्ला फुटबल संघलाई पत्र लेख्दै छनोटमा खेलाडीलाई सहभागिता गराउन आग्रह गरेको छ ।

पहिलो चरणको छनोट माघ १२ देखि १५ गतेसम्म हुनेछ । यस्तै दोस्रो चरणको छनोट माघ १६ देखि २० गतेसम्म हुने एन्फाले जनाएको छ ।

बंगलादेशमा आयोजना हुने यू-१७ महिला साफ चैत ६ देखि १४ गतेसम्म हुनेछ ।