पीएसजी पराजित

काठमाडौं । फ्रेन्च लिग वान फुटबलमा शीर्ष स्थानको पेरिस सेन्ट जर्मेन (पीएसजी) पराजित भएको छ ।

आइतबार राति भएको खेलमा पीएसजीलाई रेनसले १-० गोल अन्तरले हराएको हो ।

रेनसलाई जित दिलाउन हामरी ट्राओरेले निर्णायक गोल गरे ।

ट्राओरेले खेलको ६५ औं मिनेटमा गोल गरेका थिए ।

जितसँगै रेनसले १९ खेलमा ३७ अंक जोडेको छ ।

रेनस पाँचौं स्थानमा रहेको छ ।

पीएसजी ४७ अंक जोडेर शीर्ष स्थानमा यथावत रहेको छ ।