इन्टरको जित, मिलान रोकियो

काठमाडौं । इटालियन सिरी 'ए' फुटबलमा इन्टर मिलानले जित निकालेको छ ।

शनिबार राति भएको खेलमा इन्टरले भेरोनालाई १-० गोल अन्तरले हराएको हो ।

इन्टरको जितमा लाउटरो मार्टिनेजले निर्णायक गोल गरे ।

उनले खेलको तेस्रो मिनेटमा गोल गरेका थिए ।

जितसँगै इन्टरले १८ खेलमा ३७ अंक जोडेको छ ।

इन्टर चौंथो स्थानमा रहेको छ ।

भेरोना ९ अंक जोडेर १९ औं स्थानमा रहेको छ ।

अर्को खेलमा एसी मिलानले लेचेसँग २-२ गोलको बराबरीमा रोकिएको छ ।

बराबरीसँगै मिलान ३८ अंक जोडेर दोस्रो स्थानमा रहेको छ ।

लेचे २० अंक जोडेर १२ औं स्थानमा रहेको छ ।