हार्यो लिभरपुल

काठमाडौं । इंग्लिस प्रिमियर लिग फुटबलमा लिभरपुल पराजित भएको छ ।

शनिबार राति भएको खेलमा लिभरपुललाई ब्राइटनले ३-० गोल अन्तरले हराएको हो ।

ब्राइटनको जितमा सोली मार्चले दुई गोल गरे । ड्यानी वेल्बेकले एक गोल थपे ।

खेलको ४६ औं मिनेटमा मार्चले गोल गर्दै ब्राइटनलाई सुरुआती अग्रता दिलाएका थिए ।

५३ औं मिनेटमा मार्चले व्यक्तिगत दोस्रो गोल गर्दै ब्राइटनलाई २-० को अग्रता दिलाए ।

त्यसपछि खेलको ८१ औं मिनेटमा वेल्बेकले गोल गर्दै ब्राइटनलाई ३-० को जित दिलाए ।

जितसँगै ब्राइटनले १८ खेलमा ३० अंक जोडेको छ ।

ब्राइटन सातौं स्थानमा रहेको छ ।

लिभरपुल १८ खेलमा २८ अंक जोडेर आठौं स्थानमा रहेको छ ।

प्रिमियर लिग अन्तर्गत नै साउथह्याम्पटनले एभर्टनलाई २-१ ले पराजित गरेको छ ।

अर्को खेलमा नटिङघम फरेस्टले लेस्टर सिटीलाई २-० ले हराउँदा उल्भ्सले वेस्ट ह्यामलाई १-० ले हराएको छ ।