वालिङ रेड सेमिफाइनलमा

काठमाडौं । आयोजक वालिङ रेडले वालिङ गोल्डकप फुटबल प्रतियोगिताको सेमिफाइनलमा स्थान बनाएको छ।

शनिबार भएको उद्घाटन खेलमा लिस्नु युथ क्लब रुपन्देहीलाई १-० ले हराएर वालिङ रेडले अन्तिम चारको यात्रा तय गरेको हो ।

वालिङ रेडको जितमा सकुल गुरुङले खेलको ५५ औं मिनेटमा निर्णायक गोल गरे ।

उनी खेलको म्यान अफ दि म्याच समेत चुनिए ।

वालिङ युनाईटेड फुटबल क्लबको आयोजनामा जारी प्रतियोगितामा आठ टोलीको सहभागिता रहेको छ ।

प्रतियोगिताको विजेताले ५ लाख नगद प्राप्त गर्ने छन् ।

उपविजेताले २ लाख ५० हजार पाउने छन् ।

प्रतियोगिताको सर्वोत्कृष्ट खेलाडीले १० हजार पाउने छन् ।

व्यक्तिगत विधातर्फ उत्कृष्ट हुनले जनही ७ हजार पाउने छन् ।