म्यानचेस्टर डर्बीमा युनाईटेडसँग सिटी स्तब्ध   

काठमाडौं ।  इंग्लिस प्रिमियर लिग फुटबलको म्यानचेस्टर डर्बी भिडन्तमा युनाईटेडले सिटीलाई हराएको छ ।

शनिबार राति भएको खेलमा युनाईटेडले सिटीलाई २-१ गोल अन्तरले हराएको हो ।

ओल्ड ट्राफोर्डमा भएको खेलमा सुरुआती एक गोलको अग्रता उल्टाएर युनाईटेडले जित निकालेको हो ।

खेलको ६० औं मिनेटमा ज्याक ग्रेलिसले गोल गर्दै सिटीलाई सुरुआती अग्रता दिलाएका थिए ।

तर, खेलको ७८ औं मिनेटमा ब्रुनो फर्नान्डेजले गोल गर्दै युनाईटेडलाई १-१ गोलको बराबरीमा ल्याए ।

त्यसपछि खेलको ८२ औं मिनेटमा मार्कुस राषफोर्डले गोल गर्दै युनाईटेडलाई २-१ को जित दिलाए ।

जितसँगै युनाईटेडले १८ खेलमा ३८ अंक जोडेको छ ।

युनाईटेड तेस्रो स्थानमा रहेको छ ।

सिटी ३९ अंक जोडेर दोस्रो स्थानमा कायम रहेको छ ।