पीएसजीको सहज जित

काठमाडौं । फ्रेन्च लिग वान फुटबलमा पेरिस सेन्ट जर्मेन (पीएसजी) ले सहज जित निकालेको छ ।

बुधबार राति भएको खेलमा पीएसजीले एन्जर्सलाई २-० गोल अन्तरले हराएको हो ।

पीएसजीको जितमा हुगो एकिटिके र लियोनल मेस्सीले एक एक गोल गरे ।

खेलको पाँचौं मिनेटमा हुगोले गोल गर्दै पीएसजीलाई सुरुआती अग्रता दिलाएका थिए ।

त्यसपछि खेलको ७२ औं मिनेटमा मेस्सीले गोल गर्दै पीएसजीलाई २-० को जित दिलाए ।

जितसँगै पीएसजीले १८ खेलमा ४७ अंक जोडेको छ ।

पीएसजी शीर्ष स्थानमा यथावत रहेको छ ।

एन्जर्स ८ अंक जोडेर पुछारमा रहेको छ ।