नापोलीको जित, मिलान रोकियो

काठमाडौं । इटालियन सिरी 'ए' फुटबलमा शीर्ष स्थानको नापोलीले जित निकालेको छ ।

आइतबार राति भएको खेलमा नापोलीले साम्पडोरियालाई २-० गोल अन्तरले हराएको हो ।

नापोलीलाई जित दिलाउन भिक्टर ओसिमहेन र इलिफ इल्मासले एक एक गोल गरे ।

साम्पडोरियाका टोमस रिन्कोनले रातो कार्ड पाएपछि १० खेलाडीमा समेटिएको थियो ।

जितसँगै नापोलीले १७ खेलमा ४४ अंक जोडेको छ ।

साम्पडोरिया ९ अंक जोडेर १८ औं स्थानमा रहेको छ ।

अर्को खेलमा एसी मिलानले रोमासँग २-२ गोलको बराबरी खेलेको छ ।

मिलानका लागि पिएरे कुलुलु र टोमासो पोबेगाले एक एक गोल गरे ।

रोमाका रोजर इबान्जे र टामी अब्राहीमले एक एक गोल गरे ।

मिलान ३७ अंक जोडेर तेस्रो स्थानमा रहेको छ ।

रोमा ३१ अंक जोडेर छैटौं स्थानमा रहेको छ ।