सुजलले मछिन्द्रबाटै खेल्ने

काठमाडौं । राष्ट्रिय टिमका मिडफिल्डर सुजल श्रेष्ठले मछिन्द्र फुटबल क्लबसँगको सम्झौता नवीकरण  गरेका छन् ।

मछिन्द्रले आइतबार सामाजिक सञ्जालमार्फत सुजलसँगको सम्झौता नवीकरण गरिएको जनाएको छ ।

मछिन्द्रले नयाँ सिजनको सहिद स्मारक 'ए' डिभिजन लिगका लागि सुजलको सम्झौता थप गरेको हो ।

नयाँ सिजनको 'ए' डिभिजन लिग फागुन १९ गतेबाट सुरु हुँदैछ ।

मछिन्द्र पछिल्लो संस्करणको 'ए' डिभिजनको च्याम्पियन टोली हो ।

मछिन्द्रले लगातार दोस्रो पटक शीर्ष डिभिजनको लिग जित्दा सुजल मुख्य खेलाडी रहेका थिए ।

यस अघि मछिन्द्रले राष्ट्रिय फुटबल टिमका फरवार्ड विमल घर्ति मगरसँगको सम्झौता नवीकरण गरिसकेको छ ।

यस्तै मछिन्द्रले मिडफिल्डर पुजन उपरकोटी र प्रशान्त अवस्थीलाई अनुबन्ध गरिसकेको छ ।