विराटनगरसँग पराजित फार वेस्ट बाहिरियो

काठमाडौं । पहिलो संस्करणको नेपाल टी-ट्वान्टी लिगमा विराटनगर सुपर किंग्सले फार वेस्ट युनाईटेडलाई पराजित गरि प्लेअफ सम्भावना कायमै राखेको छ । 

फार वेस्टलाई विराटनगरले ३ रनले पराजित गरेको हो ।

टियु मैदानमा विराटनगरले दिएको १ सय ४८ रनको लक्ष्य  पछ्याएको फार वेस्टले २० ओभरमा ९ विकेट १ सय ४४ रन बनायो । 

फार वेस्टका लागि कप्तान हशमतुल्लाह शाहिदीले ४६ बलमा ५८ रनको अर्धशतकीय ईनिङ खेले । उमर अलि २३ रनमा आउट हुँदा विनोद भण्डारी र नुर अहमद समान १०/१० रनमा आउट हुँदा 

विराटनगरका लागि राज नानन ३ र सुर्य तामाङले २ विकेट लिए । कियोन जोसेफ र नन्दन यादवले समान १/१ विकेट लिए ।

त्यसअघि पहिले ब्याटिङ गरेको विराटनगरले २० ओभरमा ६ विकेट गुमाएर १ सय ४७ रन बनायो ।

विराटनगरका लागि हुसेन तलतले २९ बलमा ५० रनको अर्धशतकीय ईनिङ खेले । विवेक कुमार यादवले २० बलमा अविजित ३५ रन बनाए । अर्जुन साउदले २२ रन बनाउँदा कप्तान रोहित पौडेलले २१ रन बनाए ।

फार वेस्टका लागि उमर अलिले २ तथा करण केसी र दुर्गेश गुप्ताले समान १/१ विकेट लिए । 

नौ खेलमा चार जित पाँच हार हात पारेको विराटनगरले आजको खेल जितेपश्चात प्लेअफको सम्भाबना मजबुत बनाएको छ । आठ खेलमा ६ अंकका साथ विराटनगर अंक तालिकामा  स्थानमा रहेको छ ।

नौ खेलमा दुई जित हात पारेको फार वेस्ट लिग चरणबाट बाहिरिने पहिलो टोली बनेको छ । फार वेस्ट ४ अंकका साथ अंक तालिकाको पुछारमा रहेको छ ।

यही संस्करणको पहिलो भेटमा पनि फार वेस्टलाई विराटनगरले हराएको थियो ।

डबल राउण्डमा हुने यस लिगमा ३४ खेल हुनेछ ।

यस लिगको विजेताले ५५ लाख पाउने जनाएको छ । यस्तै उपविजेताले ३० लाख नगद पुरस्कार प्राप्त गर्दा तेस्रो हुनले १० लाख र चौंथोले ५ लाख पाउने छ ।

त्यस्तै प्लेयर अफ द सिरिजले ५ लाख प्राप्त गर्दा उत्कृष्ट बलर र उत्कृष्ट ब्याटरले २ लाख ५० हजार पाउने छन् । इमर्जिङ प्लेयरले १ लाख ८० हजार पाउने छ ।

पहिलो संस्करणको लिगमा ६ टोलीको सहभागिता रहेको छ । पहिलो संस्करणको लिगमा ६ टोलीको सहभागिता रहेको छ ।

यस लिगमा काठमाडौं नाइट,पोखरा एभेन्जर्स,फार वेस्ट युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन् ।