युनाईटेडमै रहनेमा विश्वस्त छु - डेभिड

काठमाडौं । इंग्लिस प्रिमियर लिग क्लब म्यानचेस्टर युनाइटेडका गोलकिपर डेभिड डे हेयाले आफु क्लबमै रहने र नयाँ सम्झौताको वार्ता राम्रो तरिकाले टुंगिने आशा राखेको बताएका छन् ।

सन् २०११ मा युनाइटेड आएका ३२ वर्षीय गोलकिपरको सम्झौता आगामी जुनको अन्तिमबाट सकिदैछ ।

'म आशा गर्छु की मेरो करियर बाँकी समय यहाँ रहु,' उनले भनेका छन्, 'मैले भनेको थिएँ यो मेरो क्लब हो । म यहाँ धेरै वर्षदेखि छु र यहाँ आउन पाउनु ठूलो सम्मान हो र म यहाँ धेरै खुसी छु।'

स्पेनिस गोलकिपर डेभिडले यस सिजन १७ लिग खेलमा ८ क्लिन सिट राखेका छन् ।

डेभिडले युनाईटेडका लागि ५०० भन्दा बढी खेल खेलिसकेका छन् ।

उनले क्लबसँग नयाँ सम्झौता हुनेमा विश्वस्त रहेको समेत बताए ।  

'प्रशिक्षणमा मात्र ध्यान केन्द्रित गर्नुहोस् । मैले सकेसम्म राम्रो प्रदर्शन गर्नुहोस् । तर, निश्चित रूपमा यो राम्रो तरिकाले अन्त्य हुँदैछ,' उनले थपे ।

सर एलेक्स फर्गुसनले १८.९ मिलियन पाउण्डमा एट्लेटिको मड्रिडबाट उनलाई अनुबन्ध गरेको थियो ।