सबिन रेग्मी
पोखरा । २२ औं संस्करणको आहा ! रारा पोखरा गोल्डकप फुटबलको दोस्रो सेमिफाइनलमा आज बिहीबार चर्च ब्वाइज युनाइटेड फुटबल क्लब र भुटनिज युथ सकर क्लब युएसएबीच प्रतिस्पर्धा हुँदैछ ।
पोखरा रंगशालामा हुने चर्च ब्वाइज र भुटनिजबीचको खेल दिउँसो २ बजे सुरु हुने आयोजक सहारा क्लब पोखराले जनाएको छ ।
चर्च ब्वाइज र भुटनिज जित निकाल्दै फाइनल पुग्ने योजनामा हुनेछन् । विजेताले फाइनलमा संकटा क्लबसँग प्रतिस्पर्धा गर्ने छ ।
हिमश्री फुड्स प्रा. लि. को उत्पादन आहा तथा रारा तयारी चाउचाउको मुख्य प्रायोजनमा जारी प्रतियोगितामा १० टोलीको सहभागिता रहेको छ ।
प्रतियोगिताको विजेताले १२ लाख र उपविजेताले ६ लाख पाउने छन् । यस्तै विधागततर्फ उत्कृष्ट पाँचले जनही २५ हजार, सर्वाधिक गोलकर्ताले २५ हजार र म्यान अफ द म्याचले ८ हजार पाउने छन् ।
प्रतियोगितामा वचत रकम क्लबबाट संचालित सुर्य बहादुर के. सी. स्मृती सहारा फुटबल एकेडेमीमा खर्च गरिने छ ।
हाल तेश्रो व्याचको एकेडेमीमा १० जिल्लाका १३ जना आश्रित रहेका छन् ।
