ब्रेन्टफोर्डसँग हार्यो लिभरपुल

काठमाडौं । इंग्लिस प्रिमियर लिग फुटबलमा ब्रेन्टफोर्डले लिभरपुललाई हराएको छ ।

मंगलबार राति भएको खेलमा ब्रेन्टफोर्डले लिभरपुललाई ३-१ गोल अन्तरले हराएको हो ।

खेलको १९ औं मिनेटमा लिभरपुलका इब्राहिमा कोनाटेले आत्मघाती गोल गरेपछि ब्रेन्टफोर्डले सुरुआती अग्रता दिलाएका थिए ।

खेलको ४२ औं मिनेटमा योआने विसाले गोल गर्दै ब्रेन्टफोर्डको अग्रता दोब्बर बनाए ।

५० औं मिनेटमा एलेक्स चाम्बरलिनले गोल गर्दै लिभरपुललाई २-१ को स्थितिमा ल्याए ।

त्यसपछि खेलको ८४ औं मिनेटमा ब्रायन एमबेउमोले गोल गर्दै ब्रेन्टफोर्डलाई ३-१ को जित दिलाए ।

जितसँगै ब्रेन्टफोर्ड सातौं स्थानमा उक्लिएको छ ।

ब्रेन्टफोर्डले १८ खेलमा २६ अंक जोडेको छ ।

लिभरपुल १७ खेलमा २८ अंक जोडेर छैटौं स्थानमा रहेको छ ।