लोभ्रेन लियोनमा अनुबन्धित

काठमाडौं । क्रोएसियाका डिफेन्डर डेजन लोभ्रेन फ्रेन्च क्लब लियोनमा अनुबन्धित भएका छन् ।

लियोनले सोमबार डिफेन्डर डेजनलाई अनुबन्धित गरिएको जनाएको छ ।

३३ वर्षीय डिफेन्डरले लियोनसँग २०२५ सम्मको सम्झौता गरेका छन् ।

लियोनले रसियन क्लब एफसी जेनिटबाट डेजनलाई अनुबन्ध गरेको हो ।

लिभरपुल र साउथह्याम्पटनका पूर्व डिफेन्डर ९ वर्षपछि लियोन फर्किएका हुन् ।

यस अघि उनले २०१० देखि २०१३ सम्म लियोनबाट खेलेका थिए ।

त्यस समय उनले लियोनका लागि ७२ खेल खेलेका थिए ।

क्रोएसियाका लागि उनले ७८ खेलमा ५ गोल गरेका छन्।