फाइनलमा बागमती र  सेन्ट्रल कलेज रोड्स भिड्ने

बेशीसहर । ३० औं संस्करणको त्रिवेणी कप फुटबलको फाइनलमा बागमती युवा क्लब सर्लाही र सेन्ट्रल कलेज रोड्स रामपुर भिड्ने भएका छन् ।

लमजुङको बेसीसहरमा सोमबार भएको पहिलो सेमिफाइनलमा बागमतीले सामना एफसीलाई २-० गोल अन्तरले हराएर फाइनलमा स्थान बनाएको हो ।

बागमतीको जितमा सनम धिमाल र देव गुरुङले एक एक गोल गरे ।

बागमतीका सुरज श्रेष्ठ म्यान अफ द म्याच चुनिए ।

दोस्रो सेमिफाइनलमा रोड्स रामपुरले समाज कल्याण खेलकुद केन्द्रलाई १-० ले हराएर बागमतीसँगको भेट पक्का गर्यो ।

रोड्स रामपुरको जितमा फोडे फोफानाले निर्णायक गोल गरे ।

रामपुरका तेजेन्द्र चौधरी म्यान अफ द म्याच चुनिए ।

प्रतियोगिताको फाइनल खेल मंगलबार हुनेछ ।

प्रतियोगिताको विजेताले ५ लाख र उपविजेताले ३ लाख पाउने आयोजक त्रिवेणी युवा क्लबले जनाएको छ ।

यस्तै सेमिफाइनलमा पराजित टोलीले ५०/५० हजार पाउने छन् ।

सर्वाधिक गोलकर्ता र सर्वोत्कृष्ट खेलाडीले जनही १५ हजार पाउने छन् ।