सुआरेज ब्राजिलियन क्लबमा अनुबन्धित

काठमाडौं । उरुग्वेका फरवार्ड लुइस सुआरेज ब्राजिलियन क्लब ग्रिमियोमा अनुबन्धित भएका छन् ।

ग्रिमियोले शनिबार सुआरेजलाई अनुबन्ध गरिएको जनाएको छ ।

सुआरेजले ग्रिमियोसँग दुई वर्षको सम्झौता गरेका छन् ।

सुआरेजले हालै उरुग्वेको नासिनल डी फुटबल छाडेका थिए ।

जहाँ उनले १४ खेलमा ८ गोल गरेका थिए ।

नासिनल अघि ३५ वर्षीय सुआरेजले एट्लेटिको मड्रिडबाट खेलेका थिए ।

सुआरेज २०२० मा बार्सिलोनाबाट एट्लेटिको आएका थिए ।

एट्लेटिको अघि उनले क्याटलान क्लब बार्सिलोनामा ६ वर्ष बिताएका थिए ।

सुआरेज सन् २०१४ मा प्रिमियर लिग क्लब लिभरपुलबाट बार्सिलोना आएका थिए ।