पीएसजीको जित, नेयमारलाई रातो कार्ड

काठमाडौं । फ्रेन्च लिग वान फुटबलमा पेरिस सेन्ट जर्मेन (पीएसजी) ले जित निकालेको छ ।

बुधबार राति भएको खेलमा पीएसजीले स्टारबौर्गलाई २-१ गोल अन्तरले हराएको हो ।

खेलको १४ औं मिनेटमा मार्क्विन्होसले गोल गर्दै पीएसजीलाई सुरुआती अग्रता दिलाएका थिए ।

खेलको ५१ औं मिनेटमा मार्क्विन्होसले आत्मघाती गोल गरेपछि खेल १-१ गोलको स्थितिमा लायो ।

खेलको ६२ औं मिनेटमा पीएसजी १० खेलाडीमा समेटियो ।

नेयमारले दुई पहेलो कार्डसहित रातो कार्ड पाएपछि पीएसजी १० खेलाडीमा समेटिएको हो ।

त्यसपछि खेलको इन्जुरी समयमा केलियन एमबाप्पेले पेनाल्टीबाट गोल गर्दै पीएसजीलाई २-१ को जित दिलाए ।

जितसँगै पीएसजीले १६ खेलमा ४४ अंक जोडेको छ ।

पीएसजी शीर्ष स्थानमा यथावत रहेको छ ।

स्टारबौर्ग ११ अंक जोडेर १९ औं स्थानमा रहेको छ ।