काठमाडौंद्वारा पोखरा एभेन्जर्सलाई १६३ रनको लक्ष्य

काठमाडौं । नेपाल टी-ट्वान्टी लिग प्रतियोगिताको उद्घाटन खेलमा काठमाडौं नाइट्सले पोखरा एभेन्जर्सले १ सय ६३ रनको लक्ष्य दिएको छ । 

टस हारेर पहिले ब्याटिङ गरेको काठमाडौंले निर्धारित १९ ओभरमा विकेट गुमाएर १ सय ६२ रन बनायो । 

काठमाडौंको लागि अजमातुल्लाह उमरजाईले अविजित ८५ रनको योगदान गरे ।

यस्तै सुनाम गौतम अविजित २७ रन, एलेक्स ब्लेक्सले २१ रन, विरनदिप सिंहले १० रन बनाए भने कप्तान ज्ञानेन्द्र मल्ल शून्य रनमा आउट भए । 

यता पोखराको लागि प्रतिस जिसी र जाहिर खान समान २ विकेट लिए । यस्तै मौसम ढकालले १ विकेट हात पारे ।

शनिबारबाट पहिलो संस्करणको फ्रेन्चाईज क्रिकेट नेपाल ट्वान्टी लिगको सुरुवात भएको हो ।

पर्याप्त तयारी बिनै सुरु भएको फ्रेन्चाइज प्रतियोगिता नेपाल क्रिकेट संघ क्यानको महत्वकाक्षी कार्यक्रम हो । 

यस कार्यक्रमको कमर्सियल पार्टनरको रुपमा भारतको सेभेन थ्री स्पोर्टस रहेको छ ।