नेपाल टी-ट्वान्टी : पोखरामा आबद्ध थरंगा नेपालमा

काठमाडौं । शुक्रबारबाट राजधानीमा सुरु हुने नेपाल टी-ट्वान्टी लिगका लागि पोखरा एभेन्जर्समा अनुबन्ध भएका उपल थरंगा नेपाल आईपुगेका छन् ।

बुधबार पोखराले थरंगा नेपाल आईपुगेको जनाएको हो ।

पोखराको मुख्य प्रशिक्षकमा सामसन जंग थापा रहेका छन् । 

पहिलो संस्करणको नेपाल टी-ट्वान्टी लिग आगामी ८ गतेबाट सुरु हुनेछ ।

पोखराको पहिलो खेल ८ गते नै काठमाडौं नाईटराईडर्ससँग रहेको छ । शरद भेषवाकर पोखराको मार्की खेलाडी रहेका छन् ।

पोखरामा भेषवाकरको अलावा आसिफ शेख,प्रतिश जिशी,सिद्धान्त लोहनी,कृष्ण कार्की,मौषम ढकाल,विपिन खत्री,तुल बहादुर थापा,सुमित महर्जन,विशाल विक्रम केसी,आरिफ शेख,कुशल मल्ल लगायतका नेपाली खेलाडी रहेका छन् । 

६ टोली सहभागी यस प्रतियोगिता डबल राउण्ड रोविनको आधारमा हुनेछ । प्रतियोगिताको फाईनल खेल भने पुस २६ मा रहेको छ । 

सम्पुर्ण खेल किर्तिपुरस्थित टियु मैदानमा हुनेछ ।