विराटनगरको मुख्य प्रशिक्षकमा लिन्डेन

काठमाडौं ।  नेपाल टी-ट्वान्टी क्रिकेट लिगमा फ्रेन्चाईज टोली विराटनगर सुपर किङ्सले गुएनाका लिन्डेन फ्रेजरलाई मुख्य प्रशिक्षक नियुक्त गरेको छ ।

विराटनगरले बुधबार पत्रकार सम्मेलनको आयोजना गर्दै लिन्डेनलाई मुख्य प्रशिक्षक नियुक्त गरिएको जनाएको छ ।

विराटनगरको कप्तानी आन्द्रे म्याकार्थीले गर्ने छन् ।

विराटनगरले म्याकार्थीको कप्तानीमा १७ सदस्सीय टिम समेत घोषणा गरेको छ ।

कीर्तिपुरस्थित टियु मैदानमा हुने पहिलो संस्करणको प्रतियोगिता पुस ८ गतेबाट २६ गतेसम्म हुनेछ ।

प्रतियोगिताको उद्घाटन खेलमा काठमाडौं नाइट र पोखरा एभेन्जर्सबीच खेल हुनेछ ।

पहिलो दिन नै लुम्बिनी अल स्टार्स र फार वेस्ट युनाईटेडबीच प्रतिस्पर्धा हुनेछ ।

प्रतियोगिताको हरेक दिन दुई खेल हुनेछ ।

पहिलो संस्करणको लिगमा ६ टोलीको सहभागिता रहने छ ।

यस लिगको पहिलो संस्करणमा काठमाडौं नाइट,पोखरा एभेन्जर्स,फार वेस्टर्न युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन् ।

विराटनगरको टिम -

विदेशी - सिकन्दर राजा, हुसेन टलट, आन्द्रे म्याकार्थी(कप्तान), गौरन्शु शर्मा, कियोन जोसेप, राज रोक्की नानन

नेपाली - रोहित पौडेल, अर्जुन साउद, नन्दन यादव, विवेक यादव,शाहब आलम,अमर सिंह रौटेला, नारायण जोशी, सुर्य तामाङ, प्रदिप सिंह ऐरी,पृथु बास्कोटा, रिजन ढकाल