वेस्ट इन्डिजका वाल्टनले जनकपुरबाट खेल्ने

काठमाडौं ।  नेपाल टी-ट्वान्टी लिग क्रिकेटको फ्रेन्चाईज टोली जनकपुर रोयल्सले वेस्ट इन्डिजका चाडविक वाल्टनलाई अनुबन्ध गरेको छ ।

जनकपुरले शनिबार एक विज्ञप्ति निकाल्दै वाल्टनलाई अनुबन्ध गरिएको जनाएको छ ।

वाल्टनले वेस्ट इण्डिजका लागि २ टेस्ट,९ एकदिवसीय अन्तराष्ट्रिय र १९ टी-ट्वान्टी अन्तराष्ट्रिय खेलेका छन् । 

उनले १ सय ८१ टी-ट्वान्टीमा ३ हजार ४ सय ४२ रन बनाएका छन् ।

जनकपुरको मार्की खेलाडी सोमपाल कामी रहेका छन् ।

यस्तै जनकपुरले भारतका उमेश पटवाललाई मुख्य प्रशिक्षक नियुक्त गरिसकेको छ ।

कीर्तिपुरस्थित टियु मैदानमा हुने पहिलो संस्करणको प्रतियोगिता पुस ८ गतेबाट २६ गतेसम्म हुनेछ ।

प्रतियोगिताको उद्घाटन खेलमा काठमाडौं नाइट र पोखरा एभेन्जर्सबीच खेल हुनेछ ।

पहिलो दिन नै लुम्बिनी अल स्टार्स र फार वेस्ट युनाईटेडबीच प्रतिस्पर्धा हुनेछ ।

सोमपाल कामी मार्की खेलाडी रहेको जनकपुरमा ललित राजवंशी,सुसन भारी,आदिल आलम,सन्दिप जोरा,दिलिप नाथ,सागर पुन,पवन सरार्फ,जितेन्द्र मुखिया,खडक बोहोरा र राजेश पुलामी रहेका छन् ।

प्रतियोगिताको हरेक दिन दुई खेल हुनेछ ।

पहिलो संस्करणको लिगमा ६ टोलीको सहभागिता रहने छ ।

यस लिगको पहिलो संस्करणमा काठमाडौं नाइट,पोखरा एभेन्जर्स,फार वेस्टर्न युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन् ।