स्कटल्याण्डद्वारा नामिबियालाई २०९ रनको लक्ष्य

काठमाडौं । आईसीसी विश्वकप लिग टुको त्रिदेशीय सिरिज अन्तर्गतको आफ्नो तेस्रो एकदिवसीय खेलमा स्कटल्याण्डले आयोजक नामिबियालाई जितका लागि २ सय ९ रनको लक्ष्य दिएको छ ।

युनाईटेड क्रिकेट क्लब ग्राउण्डमा सोमबार टस हारेर पहिले ब्याटिङ गरेको स्कटल्याण्डले ५० ओभरमा अलआउट हुदै २ सय ८ रन बनायो ।

जर्ज मुन्सि र ब्राण्डन म्याकमुलनले अर्धशतक बनाए । म्याकमुलनले ५६ तथा मुन्सिले ५१ रन बनाए ।

कप्तान रिची वेरिङ्गटनले २० तथा म्याथ्यु क्रसले १७ रन बनाए ।

क्रिस सोल १५ तथा मिचेल लिग्स र सफियान सरिफ समान १४/१४ रनमा आउट भए ।

नामिबियाका रुबेन ट्रम्मपेलम्यानले ४ तथा तान्गेनी लुन्गामेनी र बर्नार्ड शोल्ट्जलेसमान २/२ विकेट लिए ।

जेजे स्मिथ र हेलाओ नफिदी या फ्रान्सले समान १/१ विकेट लिए । 

७ टोली सहभागी लिग टूमा नामिबिया २८ खेलमा ३३ अंकका साथ चौथो स्थानमा रहेको छ । 

स्कटल्याण्ड भने ३० खेलमा ४४ अंकका साथ र्शीष स्थानमा रहेको छ ।