मेक्सिकोका मुख्य प्रशिक्षकद्वारा राजीनामा

काठमाडौं । मेक्सिकोको राष्ट्रिय फुटबल टिमका मुख्य प्रशिक्षक जेरार्डो 'टाटा' मार्टिनोले राजीनामा दिएका छन् ।

कतारमा जारी फिफा विश्वकप फुटबलको समूह चरणबाट बाहिरिएपछि मार्टिनोले राजीनामा दिएका हुन् ।

मेक्सिको फुटबलले मार्टिनोले सम्झौता रद्द गरेको पुष्टि गरेको छ ।

बुधबार राति समूह चरणको अन्तिम खेलमा मेक्सिकोले साउदी अरेबियालाई २-१ ले हराएको थियो ।

तर, समूह 'सी' मा रहेको मेक्सिको तेस्रो स्थानमा रहेको थियो ।

पोल्याण्डसँग समान ४ अंक भएपनि मेक्सिको गोल अन्तरले पछि पर्दा नकआउट चरणमा पुग्न असफल भएको थियो ।