लुम्बिनीद्वारा पुलिसलाई १८९ रनको लक्ष्य

काठमाडौं । पीएम कप एकदिवसीय पुरुष क्रिकेटमा लुम्बिनी प्रदेशले नेपाल पुलिस क्लबलाई जितका लागि १ सय ८९ रनको लक्ष्य दिएको छ ।

कीर्तिपुरस्थित टियु मैदानमा बिहीबार टस जितेर पहिले ब्याटिङ गरेको लुम्बिनीले ४४ ओभर २ बलमा अलआउट हुँदै १ सय ८८ रन बनायो ।

लुम्बिनीका लागि कप्तान देव खनालले ७४ रनको अर्धशतकीय इनिङ खेले ।

विशाल बिक्रम केसीले ३० रन जोड्दा प्रज्वल थापाले २३ रन बनाए ।

दुर्गेश थापा र मोहमद हुसेनले समान ११/ ११ रन बनाए ।

पुलिसका दीपेन्द्र सिंह ऐरीले ४ विकेट लिए ।

सागर ढकाल र करण केसीले २/२ विकेट लिए ।