टी-ट्वान्टी विश्वकप : भारत र पाकिस्तान खेल्दै

काठमाडौं । अष्ट्रेलियामा जारी आठौं संस्करणको टी-ट्वान्टी विश्वकपमा आज आईतबार दुई खेल हुदैछ । 

होर्वाटमा हुने पहिलो खेलमा श्रीलंका तथा आयरल्याण्ड खेल्दैछन् । दुई टोलीबीचको खेल नेपाली समय अनुसार बिहान पौने १० बजे सुरु हुनेछ । 

दुई टोलीले हाल सम्म टी-ट्वान्टीमा दुई खेलमा प्रतिस्पर्धा गरेका छन् । दुवै खेलमा श्रीलंका विजयी भएको छ । 

आजै हुने दोस्रो खेलमा पाकिस्तान र भारतबीच खेल हुदैछ । मेलबर्न मैदानमा हुने दुई टिम बीचको खेल पौने २ बजे सुरु हुनेछ ।  

भारत र पाकिस्तानले खेलेका पछिल्ला पाँच टी-ट्वान्टी खेलमा तीनमा भारत तथा दुईमा पाकिस्तान विजयी भएको छ । 

यस विश्वकपमा १६ राष्ट्रबीच खेल भईरहेकोमा ४ राष्ट्र पहिलो चरणबाट बाहिरिएका छन् । दोस्रो चरण सुपर १२ को समूह एकमा अष्ट्रेलिया, न्युजिल्याण्ड, अफगानस्तान, इंग्ल्याण्ड, पहिलो राउण्ड समूह ए बिजेताको रुपमा श्रीलंका र पहिलो राउण्ड समूह बीको उपबिजेताको रुपमा आयरल्याण्ड रहनेछन् ।

समूह दुईमा भारत, पाकिस्तान, दक्षिण अफ्रिका, बंगलादेश, पहिलो राउण्ड समूह बीको बिजेताका रुपमा जिम्बाबे र पहिलो राउण्ड समूह एको उपबिजेताको रुपमा नेदरल्याण्ड्स रहने छन् ।

यस विश्वकपको फाईनल खेल भने १३ नोभेम्बरमा हुनेछ ।