काठमाडौं । नवौं राष्ट्रिय खेलकुद प्रतियोगिताको समापन समारोहमा चर्चित गायक गायक प्रकाश सपुत र मिलन अमात्यले प्रस्तुती दिने भएका छन् ।
प्रतियोगिताको समारोह उप समितिले समापन कार्यक्रममा अहिलेका चर्चित दुई गायक प्रकाश र मिलनलाई समारोहमा प्रस्तुतीका लागि आमन्त्रण गरेको छ ।
प्रकाश समकालिन नेपाली संगितका चर्चित अनुहार हुन् । उनका गलबन्दी, बोल माया, पीर जस्ता गीत लोकप्रिय र चर्चित छन् । अमात्य पछिल्लो समय नेपाली संगितकी कर्णप्रिय गायिका हुन् । उनकी फुलबुट्टे साडी, जहिलेसम्म लगायतका गित लोकप्रिय छन् ।
नवौं राष्ट्रिय खेलकुदको समारोह समितिका उप संयोजक यकेन्द्र कुँवरले समापन समारोहको सम्पुर्ण तयारी सकिएको बताएका छन् । उनले उद्घाटन सत्र जस्तै समापन समारोहलाई समेत भब्य बनाउन आफ्नो समितिले काम गरेको जानकारी दिएका छन् ।
‘उद्घाटनमा भएको कमी कमजोरीलाई हटाउँदै समापन समारोह समेत भब्यका साथ समापन गर्ने तयारी छ ।’ उनले भने ।
नवौं राष्ट्रिय खेलकुद प्रतियोगिता बिहीबार पोखरामा समापन हुदैछ । गत असोज २८ गते पोखरा रंगशालामा भब्य उद्घाटन सहित प्रतियोगिताको औपचारिक सुरुवात गरिएको थियो ।
समापन समारोहमा प्रधानमन्त्री शेरबहादुर देउवा प्रमुख अतिथीको रुपमा उपस्थित रहनेछन् । प्रतियोगिताको औपचारिक उद्घाटन उपराष्ट्रपति नन्दबहादुर पुनले गरेका थिए ।
-1737460036.png)
