नवौं राष्ट्रिय : महिला क्रिकेटमा पुलिस फाइनलमा
काठमाडौं । नवौं राष्ट्रिय खेलकद प्रतियोगिता अन्तर्गतको महिला क्रिकेट प्रतियोगितामा विभागीय टोली नेपाल पुलिस क्लब फाइनलमा पुगेको छ ।
पोखरामा सोमबार भएको दोस्रो सेमिफाइनलमा बागमती प्रदेशलाई पुलिसले ३६ रनले पराजित गरेको हो ।
पुलिसले दिएको १ सय २४ रनको लक्ष्य पछ्याएको बागमतीले २० ओभरमा ७ विकेट गुमाएर मात्र ८७ रन बनायो ।
बागमतीका लागि सुमन खतिवडाले २३ र कप्तान अस्मिना कर्माचार्यले १८ रन बनाईन् । आरती बिडारीले अविजित ११ रन बनाईन् । बागमतीका अन्य ब्याटरले दोहोरो अंकमा रन बनाउँन सकेनन् ।
पुलिसले १८ रन अतिरिक्तमा दिएको थियो । पुलिसका लागि कविता कुँवरले ३ तथा ईश्वरी बिष्टले २ विकेट लिईन् ।
कप्तान रुविना क्षेत्री र संगिता राईले समान १/१ विकेट लिए ।
त्यसअघि पहिले ब्याटिङ गरेको पुलिसले २० ओभरमा ४ विकेट गुमाएर १ सय २३ रन बनाएको थियो ।
पुलिसका लागि काजल श्रेष्ठले ४६ रनको ईनिङ खेल्दा कविता कुवँर २६ रन बनाएकी थिईन् । कप्तान रुबिना क्षेत्रीले अविजित १७ रन जोड्दा कविता जोशीले अविजित १२ रन बनाईन् ।
अप्सरी बेगमले ६ रन बनाउँदा १३ रन बागमतीले अतिरिक्तमा दिएको थियो ।
बागमतीका लागि कप्तान अस्मिना कर्माचार्य,सुमन खतिवडा र खुसी डंगोलले समान १/१ विकेट लिए ।
अब पुलिसले स्वर्ण पदकका लागि अर्को विभागिय टिम एपीएफ क्लबसँग खेल्नेछ ।
