नवौं राष्ट्रिय : महिला क्रिकेटमा एपीएफ फाईनलमा
काठमाडौं । नवौं राष्ट्रिय खेलकद प्रतियोगिता अन्तर्गतको महिला क्रिकेट प्रतियोगितामा विभागीय टोली नेपाल एपीएफ क्लब फाईनल पुगेको छ ।
पोखरामा सोमबार भएको पहिलो सेमिफाईनल खेलमा लुम्बिनी प्रदेशलाई ६९ रनले पराजित गरेको हो ।
एपीएफले दिएको १ सय ३० रनको लक्ष्य पछ्याएको लुम्बिनी १८ ओभर २ बलमा अलआउट हुदै मात्र ६० रन बनायो ।
लम्बिनीका लागि सुस्मिता बजगाईँले १२ रन बनाउनु बाहेक अन्य ब्याटरले दोहोरो अंकमा रन बनाउन सकेनन् ।
एपीएफका लागि नेरी थापा ४ तथा सुमन विष्ट,सुष्मा श्रेष्ठ,ईन्दु बर्मा,रेखा रावल र कप्तान सिता राना मगरले समान १/१ विकेट लिए ।
त्यसअघि पहिले ब्याटिङ गरेको एपीएफले २० ओभरमा ३ विकेट गुमाएर १ सय १२ रन बनाएको थियो ।
एपीएफका लागि ज्योती पाण्डेले अविजित ६९ रनको अर्धशतकीय ईनिङ खेलिन् । ममता चौधरीले १६ रन जोड्दा रोमा थापाले अविजित १२ रन बनाईन् ।
कप्तान सिता राना मगरले ११ तथा ईन्दु बर्माले ६ रन बनाईन् ।
लुम्बिनीका लागि कृतिका मरासिनीले २ तथा मनिसा रानाले १ विकेट लिए ।
जितसँगै एपीएफले नवौं राष्ट्रिय खेलको स्वर्णका लागि आज नै हुने दोस्रो सेमिफाईनलको बिजेतासँग खेल्ने छ ।
दोस्रो सेमिफाईनलमा विभागीय टोली नेपाल पुलिस क्लब र बागमती प्रदेशबीच खेल हुनेछ ।
