नवौं राष्ट्रिय खेलकुद : महिला हक्कीमा सुदुरपश्चिम विजयी

पोखरा  ।  नवौं राष्ट्रिय खेलकुद अन्तर्गत महिला हक्कीमा बिहीबार भएको दोस्रो खेलमा सुदुरपश्चिम प्रदेश विजयी भएको छ ।

गण्डकी बोर्डिङ स्कुल पोखराको मैदानमा  सुदुरपश्चिम प्रदेशले २-० को गोल अन्तरले बागमती प्रदेशलाई हराएको हो।

सुदुरपश्चिमको जितमा ममता भट्ट र लक्ष्मी बमले एक एक गोल गरिन् ।

सात टिम सहभागी रहेको प्रतियोगितामा दैनिक दुई खेल भईरहेको छ ।

प्रतियोगिताको दोस्रो दिन मधेश प्रदेश र नेपाल आर्मीबीच प्रतिस्पर्धा हुँदा लुम्बिनी प्रदेश र गण्डकी मैदानमा उत्रिदै छन् ।