'क्रिस्टियानो रोनाल्डो पोर्ट रक्सी जस्तै'

एजेन्सी । पोर्चुगलका मुख्य प्रशिक्षक फर्नान्डो सान्तोसले स्टार स्ट्राइकर क्रिस्टियानो रोनाल्डोलाई पोर्चुगलको 'पोर्ट रक्सी' सँग तुलना गरेका छन् ।

फिफा विश्वकप अन्तर्गत बुधबार रोनाल्डोको निर्णायक गोलमा मोरक्कोविरुद्ध जित निकालेपछि प्रशिक्षक सान्तोसले रोनाल्डोलाई पोर्चुगलकै प्राचिन रक्सी पोर्टसँग तुलना गरेका हुन् । पोर्चुगिज पोर्ट रक्सी युरोपियन राष्ट्रकै क्लासिक रक्सीको रुपमा चिनीने गरिन्छ ।

'ऊ पोर्ट रक्सी जस्तै हो । उनलाई थाहा छ कि यो उमेरमा आफ्नो क्षमतालाई परिष्कृत गर्दै परिमार्जन गर्ने,' प्रशिक्षक सन्तोसले भनेका छन् ।

विश्वकप अन्तर्गत समूह चरणको दोस्रो खेलमा बुधबार पोर्चुगलले मोरक्कोलाई १ – ० ले हराएको थियो । जसमा रोनाल्डोले आफ्नो ट्रेडमार्क हेड गोल गरेका थिए । ३३ बर्षीय रोनाल्डोको उक्त गोल जारी विश्वकपमा चौथो गोल हो । स्पेन विरुद्धको पहिलो खेलमा रोनाल्डोले ह्याट्रिक गरेका थिए ।

यस्तै प्रशिक्षक सान्तोसले रियल मड्रिडका स्ट्राइकर रोनाल्डोले आफुलाई दैनिक विकशित गर्दै लगेको समेत बताए । 'अन्य खेलाडीको तुलनामा उनी लगातार विकशित हुँदैछन्,' प्रशिक्षक सान्तोसले थपे, 'उनलाई थाहा छ, उ के गर्न सक्छन् ।'