भियतनाम पुग्यो नेपाली यू-१७ टोली
काठमाडौं । एएफसी यू-१७ एसियन कप छनोट खेल्ने नेपाली यू-१७ फुटबल टोली भियतनाम पुगेका छन् ।
नेपाली टोली सोमबार दिउँसो भियतनामको भियत ट्री सिटी पुगेका हुन् । नेपाली टोलीले साँझ प्रशिक्षण गर्ने छन् ।
नेपाली टोलीलाई अखिल नेपाल फुटबल संघ (एन्फा) ले शनिबार नै बिदाइ गरेको थियो ।
छनोटमा नेपाल समूह एफमा रहेको छ । यस समूहमा नेपालसँगै थाइल्याण्ड, भियतनाम र चाइनिज ताइपेई छन् ।
नेपालले प्रतियोगिताको पहिलो खेलमा बुधबार थाइल्याण्डको सामना गर्नेछ।
मुख्य प्रशिक्षक उर्जन श्रेष्ठले नेपाली टोलीको घोषणा गरिसकेका छन् ।
नेपाली टिम :
गोलकिपर : समिर चन्द, रुविन भोगटी, कृशल मोक्तान ।
डिफेन्डर : मदन पौडेल, युनिस मगर, दिपक थापा मगर, निशान्त तामाङ, सिमान्त थापा, आश्विन घोडाशैनी, धिरज विश्वकर्मा, राम थापा ।
मिडफिल्डर : हरिष राज भट्ट, प्रशान्त लक्सम, विनोश केसी, श्रृयाङ्स मानन्धर, निरज कार्की, सरोज दर्लामी, युनिश बुढाथोकी, लक्षु थापा, धनसिंह बिके ।
फरवार्ड : सुबास बम, सिर्जल राई
