काठमाडौं । इन्डोनेसियाको जाभा प्रान्तमा फुटबल खेलपछि भएको हिंसा र भागदौडमा मृत्यु हुनेको संख्या १ सय ७४ पुगेको छ ।
उक्त हिंसामा १ सय ८० जना भन्दा बढी घाइते भएको बताईएको छ ।
इन्डोनेसियाको शीर्ष डिभिजनको लिग वान फुटबल अन्तर्गत अरेमा र पर्सेबाया सुराबायाबीचको खेलपछि उक्त हिंसा भएको थियो । खेलमा अरेमा ३-२ ले पराजित भएपछि समर्थकहरु एक अर्कामा हिंसात्मक गतिविधिमा उत्रिएका थिए ।
त्यसपछि प्रहरीले अश्रुग्यास प्रहार गर्दै हिंसा नियन्त्रण गर्ने क्रममा भागदौड भएको थियो ।
घटनापछि लिग वान फुटबल एक हप्ताको लागि स्थगित गरिएको छ ।
