रियललाई शीर्ष स्थानमा उक्लने अवसर

काठमाडौं । स्पेनिस ला लिगा फुटबलमा आज आइतबार राति रियल मड्रिडले ओसासुनाविरुद्ध प्रतिस्पर्धा गर्दैछ ।

रियलले घरेलु मैदानमा ओसासुनाको सामना गर्नेछ । खेल राति १२:४५ बजे सुरु हुनेछ ।

ओसासुनाविरुद्ध मैदान उत्रदा रियल लगातार सातौं जितको योजनामा हुनेछ ।

६ खेलमा अपराजित रियल १८ अंक जोडेर दोस्रो स्थानमा रहेको छ ।

ओसासुनालाई हराएमा रियल बार्सिलोनालाई पछि पार्दै शीर्ष स्थानमा उक्लनेछ ।

बार्सिलोना १९ अंक जोडेर शीर्ष स्थानमा रहेको छ ।

ओसासुना १२ अंक जोडेर सातौं स्थानमा रहेको छ ।

रियललाई हराएको खण्डमा ओसासुना शीर्ष पाँचमा उक्लनेछ ।