इन्टरमाथि रोमाको जित

काठमाडौं । इटालियन सिरी ए फुटबलमा रोमाले इन्टर मिलानलाई हराएको छ ।

शनिबार राति भएको खेलमा रोमाले इन्टरलाई २-१ गोल अन्तरले हराएको हो।

रोमाले सुरुआती एक गोलको अग्रता उल्टाएर इन्टरलाई हराएको हो ।

खेलको ३० औं मिनेटमा फेडेरिको डिमार्कोले गोल गर्दै इन्टरलाई सुरुआती अग्रता दिलाएका थिए ।

तर, ३९ औं मिनेटमा पाउलो डिबलाले गोल गर्दै रोमालाई १-१ गोलको बराबरीमा ल्याए ।

त्यसपछि खेलको ७५ औं मिनेटमा क्रिस स्मलिङले गोल गर्दै रोमालाई २-१ को जित दिलाए ।

जितसँगै रोमाले ८ खेलमा १४ अंक जोडेको छ ।

रोमा चौंथो स्थानमा रहेको छ ।

इन्टर १२ अंक जोडेर सातौं स्थानमा रहेको छ ।

अर्को खेलमा शीर्ष स्थानको नापोलीले टोरिनोलाई ३-१ ले हराएको छ ।