आर्सनलका एमिल २ महिना मैदान बाहिर

काठमाडौं । इंग्लिस क्लब आर्सनलका मिडफिल्डर एमिल स्मिथ रो कतिमा २ महिना मैदान बाहिर रहने भएका छन् ।

ग्रोईन चोटको शल्यक्रिया गरेपछि उनी कम्तिमा २ महिना मैदान बाहिर रहने भएका हुन् ।

आर्सनलले एक विज्ञप्ति निकाल्दै एमिल आगामी डिसेम्बरसम्म मैदान बाहिर रहने जनाएको छ ।

२२ वर्षीय मिडफिल्डरको गत हप्ता लण्डनमा शल्यक्रिया भएको बताईएको छ ।

उनको शल्यक्रिया सफल भएको आर्सनलले जनाएको छ ।

मिडफिल्डर एमिल विश्वकप खेल्ने इंग्ल्यान्डको टोलीका लागि बन्द प्रशिक्षणमा परेका थिए ।

तर, उनले अब विश्वकप गुमाउने छन् ।