डेनमार्कले कतार विश्वकपमा शोक रंगको जर्सी लगाउने

काठमाडौं । डेनमार्कले कतारमा आयोजना हुने फिफा विश्वकप फुटबलमा शोक रंगको जर्सी लगाउने भएको छ ।

आयोजक कतारले मानवअधिकार हनन गरेको र आप्रवासी कामदारहरूमाथि गरेको व्यवहारको विरोध स्वरूप डेनमार्कले ‘टोन्ड डाउन’ जर्सी लगाउने भएको हो ।

डेनमार्कको जर्सी उत्पादक कम्पनी हुमेलले शोक रंगको जर्सी डिजाइन गरेको छ ।

‘हामी डेनिस राष्ट्रिय टोलीलाई समर्थन गर्छौं तर कतारलाई आयोजक राष्ट्रको रूपमा समर्थन गर्नु होइन,’ हुमेलले भनेको छ।

 कतार विश्वकप आगामी नोभेम्बर २० देखि डिसेम्बर १८ सम्म आयोजना हुँदैछ ।

विश्वकपमा सहभागिता जनाउने सबै ३२ राष्ट्रको टुंगो लागिसकेको छ ।